FATIN SUBAR KONIS - Ida ne’e mak fatin subar Komandante Nino Konis Santana durante halo Geriliu iha Rejiaun IV. Nia subar iha Mertutu Distritu Ermera, no mate iha 11/03/1998. - FOTO STL : PRIZALDO ALMEIDAFatin Subar Haksumik ba Turismu
.
JOSEFA PARADA – SUARA TIMOR LOROSAE – 14 marsu 2011
ERMERA - Governu planea ona atu harii monumentu Saudozu Nino Konis Santana iha Suco Mertutu Sub Distritu Gleno, Distritu Ermera. Konstrusaun monumentu nee hodi relembra Luta saudozu Konis nian ba Liberdade Nasaun.
Primeiru Ministru Kay Rala Xanana Gusmao, promote ona atu transforma subar fatin Komandante Nino Konis Santana, iha Mertutu, hanesan fatin Turismu. “Hau hasoru PM Xanana, nia rasik hatete atu halo monumentu ida iha mertutu para ema hotu bele mai vizita inklui turista sira sira,” hatete Caitano Lopes Ximenes, (ema nebe subar Konis Santana iha nia uma, ba STL sesta (11/03).
Subar fatin saudozu Konis nian iha Mertutu durante nee sai fatin vizita, laos joven luta nain sira, maibe turista estranjeiru balun. Nunee uma Caitano nian nudar fatin publiku nebe kuaze lor-loron ema tama sai somente atu haree diretamente subar fatin Nino Konis nian.
“Hau hanoin bainhira harii oan monumentu, fatin nee sei rame liu, ema mai laos haree deit rate saudozu Konis nian, maibe haree mos nia subar fatin iha hau nia uma nee,” hatete Caitano.
PM Xanana rasik katak Caitano hakarak subar fatin Saudozu Konis nian iha Mertutu tenke sai fatin istoria ba Nasaun, ema nebe vizita ba fatin hirak nee bele hanoin katak luta ba ukun rasik aan nebe daudaun goza laos fasil, maibe liu husi sofrementu boot ida no sakrifika ema barak nia vida moris inklui saudozu Konis.
Komandante Nino Konis Santana postu ikus nudar Xefi Comando das Falintil, postu ida nee intrega direita husi Komandante da Luta, Kay Rala Xanana Gusmao, ne’ebe hanesan funu nain sira nia kompanhero durante luta ba ukun rasik aan.
Caitano informa mos durante ne’e iha ona ekipa ida survey ona fatin neba ho planu atu halo uluk moru haleu rate saudozu Konis nian antes hahu konstrusaun monumentu. Maibe too oras nee seidauk realiza.
Familia husi Komandante Nino Konis Santana rasik durante nee esforsu makaas atu lori ruin Konis nian ba nia knua moris fatin (Tutuala Lospalos), maibé povú Rai Ermera la hatan ho razaun Saudozu Konis sai ona aman Luta nian ba povu Ermera hodi soe isin no vida tomak iha Distritu Ermera. “Hau laos dehan lakoi atú lori ba Lospalos, maibé povú iha ne’e mak lakoi atú lori ba Lospalos, tan ba ne’e hau husu ita hotu nia komprensaun hodi simu, tamba povú iha rai ne’e kosidera nia hanesan aman boot ba sira nia rai ne’e,” nia hateten.
Poqil_Malay, (Familia husi Tutuala Lospalos), hatete maske dook tinan-tinan sempre vizita rate saudozu Konis nian iha Ermera. Malay simu ho kontente wainhira Governu nebe lidera husi kompanhero Xanana Gusmao iha inisiativa harii monumentu Nino Konis Santana iha Ermera. “Ba ami nee kapas tebes, maibé labele halo deit iha Ermera, se bele halo mós iha Lospalos iha nia rai Tutuala atú nune’e ema hotu bele hatene katak Nino moris iha Lospalos, nomate iha Ermera,” tenik Malay.
Julmira (Vizitante) hateten nia parte sente kontente no agradese wain bainhira vizita subar fatin no rate Komandante Nino Konis Santana nian. Subar fatin Ninos Konis Santana nian sei hola parte iha istoria luta ba libertasaun nasional. Povu rai nee inklui nia jerasaun sira sei lahaluha nia patrioata boot ida hanesan Konis no sira seluk nebe saran vida tomak ba libertasaun rai nee.
“Hau pesoal fo apoiu ba inisiativa Governu, karik iha intensaun diak atú harii Monumentu ba saudozu Nino Konis Santana iha nia subar fatin mertutu, lor-loron ema sempre mai vizita fatin nee hodi haree no relembra funu nain nee nia luta no mate tan ba ukun rasik aan,” hatete Julmira.
Tey Moco (Familia husi Tutuala Lospalos) hatete katak, nia parte triste wainhira haree subar fatin Nino Konis Santana nian, subar fatin nee bele dehan aat liu komarka, maibe ida nee valor luta nian, katak liu husi sofrementu hirak nee agora goza ukun aan. Tan ba nee diak liu wainhira governu hanoin atu harii komumentu ida iha subar fatin Saudozu Konis nian. pri
ERMERA - Governu planea ona atu harii monumentu Saudozu Nino Konis Santana iha Suco Mertutu Sub Distritu Gleno, Distritu Ermera. Konstrusaun monumentu nee hodi relembra Luta saudozu Konis nian ba Liberdade Nasaun.
Primeiru Ministru Kay Rala Xanana Gusmao, promote ona atu transforma subar fatin Komandante Nino Konis Santana, iha Mertutu, hanesan fatin Turismu. “Hau hasoru PM Xanana, nia rasik hatete atu halo monumentu ida iha mertutu para ema hotu bele mai vizita inklui turista sira sira,” hatete Caitano Lopes Ximenes, (ema nebe subar Konis Santana iha nia uma, ba STL sesta (11/03).
Subar fatin saudozu Konis nian iha Mertutu durante nee sai fatin vizita, laos joven luta nain sira, maibe turista estranjeiru balun. Nunee uma Caitano nian nudar fatin publiku nebe kuaze lor-loron ema tama sai somente atu haree diretamente subar fatin Nino Konis nian.
“Hau hanoin bainhira harii oan monumentu, fatin nee sei rame liu, ema mai laos haree deit rate saudozu Konis nian, maibe haree mos nia subar fatin iha hau nia uma nee,” hatete Caitano.
PM Xanana rasik katak Caitano hakarak subar fatin Saudozu Konis nian iha Mertutu tenke sai fatin istoria ba Nasaun, ema nebe vizita ba fatin hirak nee bele hanoin katak luta ba ukun rasik aan nebe daudaun goza laos fasil, maibe liu husi sofrementu boot ida no sakrifika ema barak nia vida moris inklui saudozu Konis.
Komandante Nino Konis Santana postu ikus nudar Xefi Comando das Falintil, postu ida nee intrega direita husi Komandante da Luta, Kay Rala Xanana Gusmao, ne’ebe hanesan funu nain sira nia kompanhero durante luta ba ukun rasik aan.
Caitano informa mos durante ne’e iha ona ekipa ida survey ona fatin neba ho planu atu halo uluk moru haleu rate saudozu Konis nian antes hahu konstrusaun monumentu. Maibe too oras nee seidauk realiza.
Familia husi Komandante Nino Konis Santana rasik durante nee esforsu makaas atu lori ruin Konis nian ba nia knua moris fatin (Tutuala Lospalos), maibé povú Rai Ermera la hatan ho razaun Saudozu Konis sai ona aman Luta nian ba povu Ermera hodi soe isin no vida tomak iha Distritu Ermera. “Hau laos dehan lakoi atú lori ba Lospalos, maibé povú iha ne’e mak lakoi atú lori ba Lospalos, tan ba ne’e hau husu ita hotu nia komprensaun hodi simu, tamba povú iha rai ne’e kosidera nia hanesan aman boot ba sira nia rai ne’e,” nia hateten.
Poqil_Malay, (Familia husi Tutuala Lospalos), hatete maske dook tinan-tinan sempre vizita rate saudozu Konis nian iha Ermera. Malay simu ho kontente wainhira Governu nebe lidera husi kompanhero Xanana Gusmao iha inisiativa harii monumentu Nino Konis Santana iha Ermera. “Ba ami nee kapas tebes, maibé labele halo deit iha Ermera, se bele halo mós iha Lospalos iha nia rai Tutuala atú nune’e ema hotu bele hatene katak Nino moris iha Lospalos, nomate iha Ermera,” tenik Malay.
Julmira (Vizitante) hateten nia parte sente kontente no agradese wain bainhira vizita subar fatin no rate Komandante Nino Konis Santana nian. Subar fatin Ninos Konis Santana nian sei hola parte iha istoria luta ba libertasaun nasional. Povu rai nee inklui nia jerasaun sira sei lahaluha nia patrioata boot ida hanesan Konis no sira seluk nebe saran vida tomak ba libertasaun rai nee.
“Hau pesoal fo apoiu ba inisiativa Governu, karik iha intensaun diak atú harii Monumentu ba saudozu Nino Konis Santana iha nia subar fatin mertutu, lor-loron ema sempre mai vizita fatin nee hodi haree no relembra funu nain nee nia luta no mate tan ba ukun rasik aan,” hatete Julmira.
Tey Moco (Familia husi Tutuala Lospalos) hatete katak, nia parte triste wainhira haree subar fatin Nino Konis Santana nian, subar fatin nee bele dehan aat liu komarka, maibe ida nee valor luta nian, katak liu husi sofrementu hirak nee agora goza ukun aan. Tan ba nee diak liu wainhira governu hanoin atu harii komumentu ida iha subar fatin Saudozu Konis nian. pri
Tidak ada komentar:
Posting Komentar